Ақпарат

Жолжүк мөлшері 

 

Жолжүктің тегін тасымалдау мөлшері.

 

Құрметті жолаушылар, Тегін жолжүкті тасымалдау мөлшері қызмет көрсету класына байланысты екенін ескеріңіз.

Әр жолаушы үшін, ұшақ ішінде бөлек орын берілмейтін 2 жасқа толмаған сәбилерден өзге, келесі жолжүкті тегін тасымалдау мөлшерлері белгіленген:

 

Бизнес-класс - 30 кг
Жатын эконом - 30 кг
Эконом класс - 20 кг

Кейбір бағыттарда жолжүкті тасымалдауға арнайы ұсыныс қолдаланылады.

Жолжүкті тасымалдауға арнайы ұсыныстар

 Бағыт  Жолжүкті тасымалдау мөлшері  Ұсыныс мерзімі
 Алматы – Үрімші  30 кг  2017 жылдың 31 желтоқсанына дейін
 Үрімші – Алматы  30 кг  2017 жылдың 31 желтоқсанына дейін
 Киев – Дели  30 кг  2017 жылдың 31 желтоқсанына дейін
 Дели – Киев  30 кг  2017 жылдың 31 желтоқсанына дейін
 Дели – Ыстамбұл*  30 кг  2017 жылдың 31 желтоқсанына дейін
 Тбилиси – Дели  30 кг  2017 жылдың 31 желтоқсанына дейін
     
 Дели – Тбилиси  30 кг  2018 жылдың 31 желтоқсанына дейін
 Киев – Бейжің*  40 кг  2018 жылдың 31 желтоқсанына дейін

* Бейжің – Киев және Ыстамбұл – Дели рейстерінде жолжүкті тегін тасымалдаудың арттырылған мөлшері саяхат Киев және Делиде басталған жағдайда ғана қолданылады.

Егер тасымалдау әр сегмент үшін бірнеше жеке билеттер арқылы жүзеге асырылса, жолжүкті тасымалдау мөлшері билетте көрсетілген әр бағыт бойынша жарияланған тарифке сәйкес келеді.

Көрсетілген тегін жолжүкті тасымалдау мөлшері тек «Эйр Астана» әуекомпаниясы орындайтын рейстерде ғана қолдаланылады. Басқа әуекомпаниялармен бірлесе орындалатын бағыттарда тасымалдаушы компанияның тарифтеріне сәйкес келетін мөлшерлеме бойынша төлем алынады. Егер тасымалдау бірнеше әуекомпаниялармен жүзеге асырылатын болса, оған қоса басқа әуекомпаниялармен бірлескен рейс болса, бағыт бойынша үстем тасымалдаушының тарифтері қолдаланылады.

Өз жолжүгіңізді ішкі және сыртқы жағынан таңбалаңыз. Барлық ескі биркаларды алып тастаңыз.

ҚАУІПТІ ЗАТТАРДЫ сөмкеңізге салмауынызды өтінеміз.

Габаритті емес жолжүк (1-орын үшін үш өлшем сомасында 158 см-ден астам) және ауыр салмақты жолжүк (1-орын үшін 32 кг-нан астам) тасымалдаушыменен алдын ала келісім бойынша бортқа қабылдана алады, жолжүк нақты салмағы бойынша төленуі тиіс және тегін жолжүкті тасымалдау мөлшеріне кірмейді.

Эйр Астана авиакомпаниясының рейстерінде бір орын багажға арналған ең ауыр салмақ 32 кг/ 70 фунт болып табылады. Салмағы бұл шектеуден асатын бір орын багажды Эйр Астана авиакомпаниясы қабылдамайды. Салмағы 32 кг асқан багажы бар жолаушыларға әуежайда багажды бөлу немесе артық салмағын басқа багаждың ішіне салуға ұсыныс беріледі. 

Үлкен көлемді багаж тасымалдау қажет болған жағдайда оның алдын ала баяндалып, special.services@airastana.com қызметімен расталуы қажет.

Мөлшерден тыс жолжүк үшін әуебилетте көрсетілген тегін жолжүктің салмағынан асатын мөлшерден тыс жолжүкті тасымалдау бағытына сәйкес келетін мөлшерлеме бойынша төлем алынады.

Қол жүгінің мөлшері қауіпсіздік мақсатында шектеледі, және «Эйр Астана» рейстерінде эконом-класс жолаушылары үшін мұндай мөлшерлер 56 х 45 х 25 см артық болмауы тиіс. Бизнес-класс жолаушылары екі қолжүкті тасымалдай алады.

Сонымен қатар жеке пайдаланыстағы мынадай заттарды алып жүруге болады:

  • Бір сырт киім немесе жамылғы
  • Бір таяқ немесе балдақтар (жолаушы оның көмегінсіз жүре алмайтын жағдайда)
  • Бір әйел сөмкесі немесе портфель
  • Бір кішігірім фотоаппапат немесе дүрбі
  • Ұшу уақытында оқуға арналған шағын материалдар
  • Бір көшпелі балалар керуеті
  • Бір жиналмалы бесік-арба (ең үлкен өлшемі 34х32х14см)
  • Ұшу кезінде тамақтануға арналған балалар тағамы
  • Жолаушаға қажет дәрі-дәрмек
  • Бір кішкентай шоқ гүл

Ойыншық түріндегі немесе модельдік қару күзеттік бақылау пунктінде алынып қойылады және оларды салон ішіне алып жүруге рұқсат етілмейді. Салонда жолжүкпен бірге ешқандай өткір заттарды алып жүруге болмайды. Сапарға шыққанға дейін әуежайдың қауіпсіздік қызметі тарапынан мұндай заттар алынып қойылған жағдайда, «Эйр Астана» әуекомпаниясы ол ушін жауапты емес. 

«Эйр Астана» әуекомпаниясының ережелеріне сәйкес үй жануарларын тасымалдаушымен алдын ала келісім жасағаннан кейін, арнайы тарифты төлеу арқылы ұшақ ішінде тасымалдауға рұқсат етіледі. Жануарлар арнайы контейнерлерде тасымалдануы тиіс. Жолаушыға тек бір контейнер тасымалдауға болады, контейнердің жануармен қоса салмағы 8 кг, ал көлемі 30 x 47 x 27 см аспауы тиіс. Сонымен қатар, әуекомпаниямен алдын ала келісім жасап, арнайы тарифтерді төлегеннен кейін, жануарды контейнерде тіркелген жолжүк ретінде немесе ұшақтың жүк бөліміндегі арнайы контейнерлерінде тасымалдауға болады. 

Уақытында тіркелу. Жолаушылар барлық рәсімдеулерден өту үшін, әуежайға алдын ала келуі тиіс. Әуебилетінің ұшу купонында көрсетілген уақыт, ұшақтың ұшып шығу уақыты болып табылады. Біз немесе сапар бюросының агенті ұсынған тіркелу уақыты, бүкіл рәсімдеу жұмыстарын орындауға қажет уақытты қоса алғанда, жолаушының ұшуына рұқсат етілген ең соңғы уақыты болып табылады. Бекітілген уақыттан кейін келген жолаушылар ұшуға жіберілмейді және мұндай жағдай орын алған кезде әуекомпаниясы жауапкершіліктен босатылады. Барлық бағыттардағы тіркелу, ұшып шығу уақытынан 40 минут бұрын тоқтатылады. 

Сондықтан ұшаққа кешігіп қалмауыңыз үшін белгіленген уақыттан ертерек келуіңіз маңызды. Тіркелу кезінде біздің агенттер сіздің назарыңызды отырғызудың ақырғы уақытына аударады. Өтініш: өзіңіздің отыру талоныңызды тексеріңіз, хабарламаларды тыңдаңыз және ақпараттық таблоны қадағалаңыз. Кейде жөнелтімнің негізгі аймағынан шығатын жерде (қақпаға) жетуге15 минуттай уақыт қажет болуы мүмкін.

Ұқыптылық. Ұшаққа кіру есіктері (қақпалар) ұшып шығу уақытынан 15 минут бұрын жабылады. Бұл ұшып шығуға арналған шағын әзірлеу жұмыстары аяқталып, әуе кестесі бойынша ұшып шығу және межелі жерге дер кезінде жету үшін негізделген уақыт болып табылады. 

Алкогольді ішімдіктер. Ұшақ бортында ұсынылған алкогольді ішімдіктерден басқа, жолаушыларға дүкеннен сатып алынған ішімдікті ішуге тиым салынады.

 

ҮКІМЕТТІК САЛЫҚТАР, АЛЫМДАР ЖӘНЕ БАЖДАР ТУРАЛЫ ХАБАРЛАНДЫРУ 

Бұл билеттің құнына мемлекеттік органдармен немесе әуежай әкімшілігімен салынатын салықтар, алымдар және/немесе баждар қосылуы мүмкін. Мұндай салықтар, алымдар және баждар әуе саяхаты құнының едәуір бөлігін құрауы мүмкін, олар не жолақы құнына қосылған, не осы билеттің САЛЫҚТАР/АЛЫМДАР/БАЖДАР бағанында жеке көрсетілген. Сондай-ақ, сізге басында алынбаған алымдарды төлеуіңіз қажет болуы мүмкін. 

 

МАҢЫЗДЫ 

Арнайы тарифтер бойынша шектеулер. 

Билетте кез келген өзгерістерді шектеуші немесе тыйым салушы шарттарда, және күші жойылған немесе тасымалдауды пайдаланбаған жағдайда, қайтарылатын ақша мөлшерін шектеуі мүмкін көптеген «арнайы» тарифтер бар. 

Код-шер. 

Серіктес әуекомпаниялармен келісімдердің бар болуы бұл, егер сіз билетті бізде брондасаңыз да, және сіздің билетіңізде «Эйр Астана» тасымалдаушы ретінде көрсетілсе де, кейбір жағдайларда сіздің сапарыңыз серіктестік әуекомпанисымен жүзеге асырылады. Бұл сіздің тасымалдау құжаттарыңызда көрсетіледі, сондай-ақ анағұрлым нақты ақпаратты «Эйр Астана» әуекомпаниясынан немесе өзіңіздің сапар бюроңыздың агентінен алуыңызға болады.

Дубай қаласының әуежайлары жолжүк бойынша қызмет көрсету деңгейін арттыру, жолжүкті бүлдіру қауіпін азайту және жолжүкті тіркеу және тасымалдау үдерісін жақсарту мақсатында жолжүк тасымалдау бойынша жаңа ережелер енгізді. Жаңа ережелер бойынша қапталдары тегіс емес сөмкелерді тасымалдауға рұқсат етілмейді. Жаңа ережелер 2017 жылдың наурыз айының 8-нен бастап күшіне енеді.

Жаңа ережелер:
1. Дөңгелек сөмкелерді тасымалдауға рұқсат етілмейді;
2. Қапталдары тегіс емес сөмкелерді тасымалдауға рұқсат етілмейді;
3. Ерекше пішінді сөмкелерді тасымалдауға рұқсат етілмейді;
4. Көлемі аса үлкен сөмкелерді тасымалдауға рұқсат етілмейді;
5. Талаптарға сай емес сөмкелерді, қосымша ақы төлеп, қораптарға салу қажет болады.

 

ЖОЛЖҮК ҮШІН ЖАУАПКЕРШІЛІКТІ ШЕКТЕУ ТУРАЛЫ ХАБАРЛАМА

Жолжүкті жоғалту немесе бүлдіру үшін жауапкершілік шектелген.

  1. Көптеген халықаралық тасымалдаулар (халықаралық бағыттың ішкі бөлігін қоса алғанда) үшін жауапкершілік шектелген және тіркелген жолжүктің бір фунты үшін шамамен 9.07 АҚШ долларын (бір килограмға 20.00 АҚШ доллары).
  2. АҚШ ішінде пунктер арасында ғана ұшу кезінде әуе тасымалдаушысының жауапкершілігі бойынша кез келген шектеу бір жолаушыға 2,500 АҚШ долларынан кем болмауын Федералдық ережелер талап етеді. Кейбір заттар түріне қосымша бағалау мәлімделуі мүмкін. Кейбір тасымалдаушылар нәзік, бағалы және шапшаңбұзылғыш заттар үшін жауапкершілікті өздеріне алмайды. Анағұрлым нақты ақпаратты тасымалдаушыдан ала аласыз

 

«Эйр Астана» әуекомпаниясының тіркелген жолжүкті тасымалдаудағы жауапкершілігі

Егер жолаушы жолжүгіндегі заттар «Құнды жүк» қатарынан болса, бұл жағдайларда әуекомпания жолжүкті сақтандыруды ұсынады.

Көптеген жетекші әуекомпаниялар сияқты, «Эйр Астана» әуекомпаниясы да тіркелген жолжүк елеусіз зақымданған жағдайда, яғни сынған дөңгелектерге, жоғалып қалған бекіткіш ленталарға, жұлынып қалған ұстатқыштарға, сондай-ақ шабадандардың көп пайдаланудың салдарынан тозып кетудің нәтижесінде болған сызат, қажалу, майысу, тіліну, кірленулерге жауап бермейді.

 

ЖАУАПКЕРШІЛІКТІҢ ШЕКТЕУЛІЛІГІ ЖӨНІНДЕГІ ХАЛЫҚАРАЛЫҚ БАҒЫТТАҒЫ ЖОЛАУШЫЛАРЫНА АРНАЛҒАН ЕСКЕРТПЕ 

Сапарға шыққан елден өзге елдегі межелі жерді немесе аялдаманы қамтитын жолаушыларға, сол елдердің кез-келген бөлігін қоса алғанда, Варшава Конвенциясы деген атпен белгілі келісімнің ережелері бүкіл сапар барысында қолданыла алатынын хабарлаймыз. Америка Құрама Штаттарынан, оған немесе сол ел ішінде келісілген аялдама орнына сапар шегетін мұндай жолаушылар үшін Конвенция мен қолданыстағы тарифтері бар тасымал жөніндегі шарт бойынша тасымалдаушының тарапынан жолаушының өлімі немесе оған жарақат келтірілгені үшін жауапкершіліктің шектелуі көп жағдайда дәлелденген залалмен қамтамасыз етіледі, бірақ жолаушы үшін 75 000 АҚШ долларынан аспайды және мұндай шектеуге дейінгі жауапкершілік тасымалдаушы тарапының салақтығына тәуелді болмауы қажет.

Мұндай арнайы шарттардың тасымалдаушылардың қызметтерін пайдаланатын немесе Америка Құрама Штаттарына, одан немесе сол елде келісілген аялдамасыз сапар шеккен жолаушы үшін, оның өлімі немесе жарақаттары үшін көпшілік жағдайларда тасымалдаушының жауапкершілігі шамамен 10 000 АҚШ долларымен немесе 20 000 АҚШ долларымен шектеледі.

Мұндай арнайы шарттардың тараптарына сай тасымалдаушылардың атаулары тасымалдаушылардың барлық билет кассаларында болады және талап ету бойынша оқылуы мүмкін.

Әдетте жеке компаниядан сақтандыру полисін сатып алу арқылы қосымша қорғаныш алынуы мүмкін. Мұндай сақтандыру Варшава Конвенциясы немесе тасымалдың арнайы шарты бойынша ешқандай жауапкершілік шектеулерінің ықпалында болмайды. Толығырақ ақпарат алу үшін өз әуекомпанияңызбен немесе сақтандыру компаниясының өкілімен кеңесуіңізді өтінеміз. 


Ескерту: 

  • Жауапкершіліктің жоғарыда аталған 75 000 АҚШ доллары мөлшеріндегі шектеу, Штатқа берілген шағымдану жағдайынан басқа, заңды алымдар мен төлемдерді қамтиды. Заңды алымдар мен төлемдер ерекше тағайындау ретінде ресімделген. Бұл ретте шектеу заңды алымдары мен төлемдерін қоспағанда 58 000 АҚШ доллары сомасын құрауы тиіс.
  • Жолаушының бағыты, шыққан елінен басқа елдегі межелі жерді немесе аялдаманы қамтитын болса, Варшава Конвенциясы қолданылады және осы Конвенция бойынша жолаушы өлімі немесе жарақаты, сондай-ақ жолжүгінің жоғалуы немесе бүлінгені үшін көп жағдайларда тасымалдаушының жауапкершілігі реттеледі және шектеледі. Сонымен қатар «Халықаралық жолаушыларға жауапкершілікті шектеу жөніндегі кеңеске» және «Жолжүк үшін жауапкершілікті шектеу жөніндегі ескертпеге» көз салыңыз.