Air Astana онлайн тіркеу және отырғызу мерзімдері

Әуежайға келген кезіңіз барынша жайлы өтсін десеңіз, тіркелу және қауіпсіздік бақылау рәсімдері үшін жеткілікті уақыт қалдырып, әуежайға ұшуға дейін ертерек келу қажет. Төмендегі кестеде көрсетілген тіркелу мен ұшаққа отырғызудың аяқталу мерзімдерімен танысыңыз.

Онлайн тіркелу қызметін пайдаланыңыз

Әуежайда уақытты үнемдеу және кезекте тұрып қалмас үшін, онлайн тіркелу қызметін пайдаланыңыз.

ТІРКЕЛУДЕН ӨТУ

Тіркелу мен ұшаққа отырғызудың стандартты аяқталу мерзімдері

Бұл уақыттар рейс орындаларда есепке алуыңызға болатын стандартты мерзімдер болып табылады. Осы мерзімдерді ескеру маңызды, себебі олар әуекомпанияның ережелеріне сай рейстің кедергісіз және уақытылы ұшуын қамтамасыз етеді.

Тіркелудің аяқталу мерзімі

Тіркелу кесте бойынша ұшатын уақытқа 40 минут қалғанда аяқталады

Ұшаққа отырғызудың аяқталу мерзімі

Отырғызу кесте бойынша ұшатын уақытқа 15 минут қалғанда жабылады

Амстердам, Анталия, Бейжің, Дели, Дубай, Жидда, Ыстамбұл, Ташкент қалаларының халықаралық әуежайында рейске тіркелу кесте бойынша ұшатын уақытқа 60 минут қалғанда аяқталады.

Осы мерзімдерді сақтамау, резервтелген орындардың өзгертілуіне, брондаулардың жойылуына және/немесе отырғызудан бас тартқаны үшін өтемақы алу құқығынан айыруға әкелуі мүмкін. Жоғарыда көрсетілген мерзімдерді ұстанбау салдарынан болған шығындар мен залалдарға біз жауапкершілік алмайтынымызға назарыңызды аударамыз.

Егер код-шерингтік рейспен саяхаттасаңыз, өзге әуекомпаниялар (тасымалдауды орындаушылар) саясатындағы тіркелу және басқа рәсімдерден өту мерзімдері жайлы ақпаратты анықтап алыңыз. Рейсті орындайтын тасымалдаушының ережелері мен нормалары қолданылады.

Назар аударыңыз: Алдын ала таңдалған орындар өзгертілуі мүмкін. Егер сіз онлайн тіркеуден өтпеген болсаңыз, әуекомпания өндірістік қажеттіліктерге байланысты сіздің орныңызды өзгертуге құқылы.