Біздің міндетіміз – Еуразияның жүрегінен әлемдегі ең үздік әуекомпаниялардың бірін құру. Біздің мақсаттарымыз осы ұмтылысты анықтайды: 

• Біз ең жоғары халықаралық қауіпсіздік стандарттарын қамтамасыз етеміз. 
• Біз клиенттерге ең жоғары деңгейдегі қызмет көрсететін аймақтағы ең сенімді әуекомпания болып табыламыз және болуға міндеттіміз. 
• Біз әуе кемелері паркінің, ұшу географиясының және ұсынылатын өнімнің тиімді өсуін қамтамасыз етеміз. 
• Біз шыншылдық пен іскерлік этиканың ең жоғары стандарттарын ұстанамыз. 
• Біз қызметкерлерді олардың сіңірген еңбегіне сәйкес жұмысқа тартып, бағалап, марапаттап, оларға өз әлеуетін барынша іске асыруға мүмкіндік береміз. 
• Біз - әлеуметтік тұрғыдан жауапкершілігі мол ұйымбыз. 
• Біз Қазақстанның жаһандық елшісі болып табыламыз. 

Air Astana әуекомпаниясы 2001 жылы тіркеліп, алғашқы рейсін 2002 жылдың 15 мамырында Алматы - Астана бағыты бойынша алғашқы рейсін орындады. Ашылу рәсіміне Қазақстан Республикасының Президенті Нұрсұлтан Назарбаев пен авиакомпанияның екі құрылтайшы акционерінің өкілі ретінде BAE Systems PLC (Ұлыбритания) компаниясынан сэр Ричард Эванс қатысты. 

Air Astana-ның ірі акционерлері сенімді серіктестер болып қала береді: «Самұрық-Қазына» АҚ – 41%, BAE Systems (Kazakhstan) Limited – 16,95% үлеске ие. Басқа акционерлер қатарында «Бірыңғай жинақтаушы зейнетақы қоры» АҚ – 6,5% және әртүрлі инвесторлар тобы – 35,55% үлеспен бар.

Air Astana Еуропалық авиация қауіпсіздігі агенттігінің (EASA) 145 директивасының талаптары бойынша әуе кемелеріне техникалық қызмет көрсетуге куәландырған. 2019 жылдың наурыз айында Air Astana Еуропалық одаққа кірмейтін мемлекеттердің (TCO) әуекомпаниялары үшін Еуропалық ұшу қауіпсіздігі агенттігінің (EASA) куәландырылған аудитін ескертусіз өтті. Сонымен қатар Air Astana EASA Part 147 талаптарына сәйкес инженерлік-техникалық қызметкерлерді оқытуға Еуропалық ұшу қауіпсіздігі агенттігімен (EASA) сертификатталған. Ұшу қауіпсіздігіне деген адалдығын көрсете отырып, әуекомпания 2021 жылдың мамыр айында 8-ші рет халықаралық әуе көлігі қауымдастығының (IOSA) пайдалану қауіпсіздігі бойынша аудитін сәтті өтті.