MySEAT

Ақылы орындар (MySEAT опциясы) Air Astana әуекомпаниясы орындайтын рейстерде ғана қолжетімді. 

Ескерту: MySEAT опциясы бойынша кейбір орындарды брондау қолжетімді болмауы мүмкін. Мысалы, техникалық себептерге байланысты A321 EI-KDI ұшағының эконом-класында 35A орнын таңдау мүмкін емес.

Жетелеушісі жоқ балалар ақылы орындарды сатып ала алмайды.  

Nomad Club бағдарламасының Гауһар және Алтын деңгей иелері ақылы және стандартты орындарды тегін брондай алады. 

MySEAT-ті билетке арналған жеңілдік сертификаты немесе Nomad Club балдарының көмегімен иеленуге болмайды, бірақ Қазақстандағы Air Astana-ның өз сату кеңселерінде сыйға берілетін карта арқылы сатып алуға болады.  

MySEAT-ті сатып алған соң, сол бағыттағы басқа күнге қайта брондауға немесе қолжетімді өзге ақылы орынға ауыстыруға болады. MySEAT қызмет ақысы қайтарылмайды. Қызмет көрсету класын жоғарылатқан жағдайда MySEAT қызметін қайтару және қайта брондау қарастырылмаған. Өз еркімен өзгерту кезінде бос орын болмаса да, бағытты өзгертуге немесе қызметті қайтаруға жол берілмейді. 

Әуекомпания отырғызу аяқталса да, операциялық себеппен немесе қауіпсіздік себебімен сатып алынған MySEAT орнын кез келген басқа орынға ауыстыру құқығын өзіне қалдырады, осы орайда Air Astana лайықты балама орынмен қамтамасыз етеді. Біздің бортсеріктер жолаушының сатып алып қойғанына ұқсас қатардан орын ұсынуға қолдан келгеннің бәрін жасайды.  

MySEAT орнын басқа жолаушының атына қайта брондауға болмайды.  

Жануармен сапар шегетін жолаушы 1-ші және апаттық қатардағы ақылы орындарды сатып ала алмайды.  

Төленген орын ақысының қаражаты төмендегі жағдайларда қайтарылмайды: 

• Өз еркімен бас тарту немесе әуебилетті өзгерту; 
• Онлайн тіркелу кезінде орынды ауыстыруға ниеттену; 
• Қызмет көрсету класын жоғарылату; 
• Авиациялық қауіпсіздік талаптарына сай келмеу; 
• Көші-қон және басқа талаптарды орындамау салдарынан кешігуге байланысты рейске келмеу.  

Рейс кешіккен немесе орындалмайтын жағдайда ұқсас орын ұсыну мүмкіндігі болмаса, жолаушы қаражатын қайтаруды талап ете алады. Сатып алынған орын шығыны толық қайтарылады да, жолаушы тегін орынға отырғызылады.  

Қайтаруды рәсімдеу үшін, қызмет көрсеткен әуебилетті сату агентіне жүгініңіз. MySEAT қызметі Қазақстан Республикасының территориясынан тыс жерде халықаралық агенттікпен рәсімделсе, бұл ерекше жағдай болып табылады; мұндай жағдайда қайтару Көмек орталығы арқылы сұраныс жіберу арқылы жүзеге асады.  

Әуекомпания ақша қаражатын әуежайда немесе ұшақ бортында қайтармайды.

Басқа шарт көрсетілмесе, қаражат тек төлем жасағанда қолданылған банк картасына қайтарылады.  

Апаттық шығуға жақын қатардағы орындар шығу есігінің жанында немесе соның артында орналасқан.  

Бұл орындағы жолаушылар эвакуация болған жағдайда апат есігін ашуға көмектесуге міндетті.  

Апаттық шығу маңындағы орындар жолаушы қауіпсіздік талаптарына сай келген жағдайда қолжетімді. Апаттық шығуға жақын қатардан орын алған жолаушы жақсы физикалық күйде (18-60 жас аралығы) және экипаждың жазбаша һәм ауызша нұсқаулығын ағылшын, қазақ және орыс тілінде түсінуге қабілетті болуы керек.  

Жастар және егде жастағы адамдарға арналған тарифтермен сапар шегетін жолаушылар апаттық шығу орындарын сатып ала алмайды

Апаттық шығуға жақын MySEAT орнын ала алмайтын жолаушылар: 

 - Физикалық және психикалық жағдайы жолаушының өз денсаулығына, жеке тұлғалар немесе әуе кемесіндегі тұлғалар мен мүлікке қауіп тудырса; сондай-ақ апаттық есікті ашуға шамасы келмейтін тұлғалар; 

 - Балалар мен жасөспірімдер (2-18 жас), сондай-ақ жетелеушісі жоқ балалар;  

 - Нәрестелі және/немесе балалы жолаушылар; 

 - Үй жануары бар жолаушылар; 

 - Физикалық жай-күйі тез қозғалуға мүмкіндік бермейтін жолаушылар; 

 - Экипаждың ағылшын, қазақ және орыс тіліндегі нұсқаулығын түсіне алмайтын жолаушылар; 

 - Зейнеткерлер; 

 - Жүкті әйелдер; 

 - Қауіпсіздік белдігін тағу үшін ұзартқыш қажет болатын жолаушылар; 

 - Мүмкіндігі шектеулі жолаушылар. 

Жолаушыларды апаттық шығу қатарына орналастыру жөнінде соңғы шешімді рейсті орындайтын әуекомпания қызметкерлері қабылдайды. 

Қауіпсіздік талаптарына сай болмаған жағдайда, әуекомпания қызметкерлері жолаушыға ақша қаражатын қайтармай басқа орын беруге мәжбүр болады.

Жолаушы бұдан былай қауіпсіздік талаптарына сай келмесе, орынды қайта брондау үшін Көмек орталығы арқылы ұшқанға дейін кем дегенде 48 сағат бұрын бізге хабарласуы қажет.