Kaspi.kz — барлығына арналған жылдам төлем әдісі

Енді airastana.com сайтында немесе Air Astana қосымшасында брондалған билеттерді Kaspi.kz мобильді қосымшасындағы Kaspi Gold арқылы немесе несиеге төлеуге болады. Ол үшін тапсырыс бергеннен кейін Kaspi.kz арқылы төлеу әдісін таңдаңыз, Kaspi.kz қосымшасына QR коды арқылы өтіңіз. Kaspi Gold таңдаған жағдайда, сома төлем картаңыздан ұсталады. Егер несие таңдалса, онда банк қосымшасындағы жеңіл қадамдарды орындаңыз. Бүкіл процедура бірнеше минутты алады. Шешім әркімнің несиелік тарихы мен төлем қабілеттілігіне байланысты қабылданады. Ай сайынғы төлемнің нақты мерзімі мен мөлшерін несиеге өтініш беру кезінде білуге болады. Несиеден бас тартқан жағдайда бас тарту жайлы хабарлама пайда болады, содан кейін Kaspi Gold-ты таңдап немесе airastana.com сайтына орала аласыз. Егер сатып алу кезінде брондау мерзімі өтіп кетсе, несие жойылады. Ондай жағдайда бүкіл процесті қайтадан өтуге тура келеді.

Несие беру шарттары

Несие мерзімі, ай	4, 6, 12, 24 ай
Сома	1 000-нан 1 000 000 теңгеге дейін
Комиссия	Комиссиясыз
Мерзімінен бұрын жартылай өтеу	Банк ережелері бойынша
Мерзімінен бұрын толық өтеу	Банк ережелері бойынша

1. Kaspi.kz қосымшасы арқылы несиеге сатып алған Air Astana билетін қалай қайтаруға болады?

Қайтару тариф ережелеріне сәйкес жүзеге асады. Ол үшін сілтемеден өтіп, ерікті түрде қайтаруға өтініш беру қажет.

Несиеңіз мерзімінен бұрын өтеледі. Егер өтелмеген қалдық қалса, оны несиелік келісімге сәйкес өтеу қажет болады.

Брондауды өзгерту немесе билетті қайтару үшін тариф шарттарымен танысуыңызды сұраймыз.

2. Kaspi Gold арқылы сатып алған Air Astana билетін қалай қайтаруға болады?

Брондаудың өзгеруіне немесе қайтарылуына қатысты тариф шарттарымен танысуыңызды сұраймыз.

3. Kaspi.kz қосымшасында төленген Air Astana билетінің құнын қайтаруды рәсімдедім, бірақ сома толық түскен жоқ. Не істеуім керек?

Бәлкім сіз билетті «айыппұлмен қайтару» тарифы бойынша сатып алған боларсыз. Бұл жағдайда айыппұл ұсталады. Егер сома қайтарылғаннан кейін сізде несие сомасы қалса, оны несиелік келісімге сәйкес қайтару қажет болады. Брондаудың өзгеруіне немесе қайтарылуына қатысты тариф шарттарымен танысуыңызды сұраймыз.

4. Мен билетті қайтаруды рәсімдедім. Егер бірнеше айлық төлемдерді төлеп қойсам, ақшама не болады?

Қалған қаражат сізге Kaspi Gold-қа қайтарылады. Егер сізде Kaspi Gold болмаса, ақшаны жақын жердегі Kaspi филиалының кассасынан ала аласыз.