Алматыдан Гуанчжоуға (Қытай) әуебилеттер

Гуанчжоу - Air Astana-ның көптен күткен жаңа бағыт Алматыдан 30 наурыздан бастап Airbus A321Neo LR ұшағымен орындала бастайды.

Гуанчжоу несімен әйгілі?

Кантон жәрмеңкесі – жүздеген мың шаршы метрді тұрмыстық заттардан бастап технологиядағы соңғы жаңалықтың түрлі өнімінің экспозициясы алып жатқанын елестетіңізші. Қытаймен байланысты кәсіп ашуды көздесеңіз, Кантон жәрмеңкесінен бастаңыз.

Сәулет пен өнер жауһары. Тарихи ескерткіштермен және футуристік зәулім ғимараттармен үйлескен қала, шаһарды ерекше көркем етіп тұр.

Атақты фильмдер түсірілген. Гуанчжоу маңында «Боялған вуаль» мен «Жұлдызды соғыстар» әлеміндегі «Ситтердің кек алуы» сияқты дүние жүзіне танымал хиттер түсірілген.

Гуанчжоуда қонақ үй брондау. Қонақ үйлердің ең үздік ұсыныстарын hotels.airastana.com сайтынан таба аласыз.

Тіл. Сөйлескенге ыңғайлы болу үшін, офлайн аудармашы қосымшасын жүктеп алыңыз.

Төлем. Төлем картасымен бірге міндетті түрде қолма-қол юань алып шығыңыз. Kaspi қосымшасымен Alipay+ логотипі бар жерде ғана сауда жасай аласыз.

Көлік. Такси шақырғанға жергілікті Didi Taxi сияқты қосымшаны қолдануды ұсынамыз.

Шэньчжэнь. Әлемдегі ең озық қаланың біріне жүрдек пойызбен 40 минутта жетесіз. Инновацияға, стартапқа немесе болашақ қаласы қандай болатынына қызыққан жанға Шэньчжэнь мінсіз мекен. Егер кәсіппен байланысты сапар шегуді жоспарласаңыз, Шэньчжэнь бизнес құруға оңтайлы Қытайдың үздік қаласының қатарына жатады.

Гонконг. Шэньчжэннен Гонконгқа небары 10 минутта жаяу, ал Гуанчжоудан бір сағаттан жүрдек пойезбен жетуге болады. Заманауи зәулім үйлер мен дәстүрлі базары бір жерде орын тепкен Гонконгтың әралуандығы таңдай қақтырады. Бұл жерден барлығын – тіл үйірер ас пен саудадан бастап, бай мәдениет пен көркем табиғатқа дейін табуға болады.

Гуанчжоуға сапар шексеңіз, қос бағыт жаңа әсер мен бірегей тәжірибе алуға септігін тигізіп, саяхатыңызды түрлендіре түседі!